DAVAO CITY – Padayon sa ilang gilusad nga hugtanon nga imbestigasyon ang Paquibato Police kalabot sa pagpusil patay sa sasienta y otso anyos nga lola Andrea Baguio, alyas Andreng nga padulong lamang unta nga mo-simba sa Iglecia Ni Cristo alas 4:45 kagahapon sa kaadlawon.
Anaa na sa Purok Pag-asa, Sitio Alang-Alang, Barangay Malabog, Paquibto District usa ka armado nga sakay ug motorsiklo mang mihunong doul sa nahimutangan sa biktima ug gipusil nini ang tigulang sa nabgkada-iya nga bahin sa iyang kalawasan.
Sumala pa kang Police Senior Inspector Angeles Barguio, Station Commander sa Paquibato Police nga ilang gipa-abot nga makauli ang anak sa biktima nga kasamtangan nga tua sa dakbayan sa Cagayan de Oro nga mitambong ug seminar aron nga masayran kung kinsa ang mga posibling gika-away ug unsay atraso sa ilang inahan ug ngano nga gipusil patay kini.
Sumala pa kang Barguio nga usa ka .45 caliber pistol ang gigamit sa suspek sa pagpusil patay sa biktima.
