Gipangalanan na ni Pagcor Chairman Alejandro Tengco ang kanhing cabinet official nga sumala pa naghan-ay aron nga mahatagan og lisensya ang iligal nga Philippine Offshore Gaming Operators (POGO) nga gi-raid sa mga awtoridad ug nalambigit sa mga krimen.
Atol sa pagdungog sa Senate Committee on Women and Children, gibutyag ni Tengco ang pangalan ni kanhing Presidential Spokesperson Harry Roque nga nag-lobby alang sa POGO hub nga Lucky South 99 sa Porac, Pampanga nga i-raid sa mga awtoridad.
Gisaysay ni Tengco nga niadtong ikaduhang semana sa Hulyo tuig 2023 nakadawat ang Pagcor og tawag gikan kang Roque kung diin nangayo kini ug appointment sa kaniya.
Niadto sumala pa sa iyahang opisina si Roque niadtong Hulyo 26 sa susamang tuig kauban si Katherine Cassandra Ong, nga authorize representative sa Lucky South 99.
