Gitubag na ni actress, singer-dancer ug vlogger Mocha Uson ang dugay nang chismis nga nabuntis kuno siya ni Senator Robin Padilla.
Sa iyang interview kang broadcast journalist Susan Enriquez, diretsahang gipangutana si Uson bahin sa maong isyu nga giingong maoy rason sa iyang kalit nga pagkawala sa eksena.
Matod ni Uson, nagsugod lamang kini sa usa ka online blind item nga wala gani direktang nagngalan kanila ni Padilla, busa natingala siya nganong naapil sila sa chismis.
Gibutyag usab niya nga nahibalo si Padilla sa maong rumor ug ilang ginakataw-an na lamang kini kung magkita sila.
Matod pa ni Uson, usahay magbinuang pa si Padilla ngadto sa iyang inahan pinaagi sa pagpangutana bahin sa giingong “apo.”
Apan klarong gipanghimakak ni Uson ang isyu ug nangayo usab og pasaylo kang Padilla ug sa asawa niini nga si Mariel Padilla tungod sa pagkadamay sa chismis.
Giingon niya nga posible nga dali lamang tuohan sa uban ang rumor tungod sa iyang sexy image kaniadto.
Sa pagkakaron, nagpabiling klaro ang iyang tubag: walay kamatuoran ang maong alegasyon.| VIA BOMBO EROS PAJOTA
