Nangayo ang Department of Agriculture (DA) ug National Irrigation Administration (NIA) og dugang nga pondo alang sa sunod tuig 2027.
Gipahayag ni Agriculture Secretary Francisco Tiu Laurel Jr. nga gikinahanglan ang dugang nga pondo alang sa mga proyekto sa mga ahensya tungod sa gilaumang epekto sa El Niño sa nasud.
Lakip sa gipanawagan sa kalihim ang pagdugang sa Presidential Assistance for Farmers and Fisherfolk (PAF) gumikan kay posibleng dili na igo ang pondo niini sa mosunod nga mga bulan tungod usab sa epekto sa habagat ug mga bagyo.
Kinahanglan usab sa ahensya og ₱8.7 bilyon alang sa fertilizer assistance funds para sa mga mag-uuma, samtang dugang nga ₱10 bilyon hangtod ₱12 bilyon alang sa mga mangingisda ubos sa mga programa sa Bureau of Fisheries and Aquatic Resources (BFAR).
