Nadakpan sa mga personnel sa Tagum City Police Station ang usa ka 43-anyos nga lalaki nga giila sa alyas “Irven” human misulay og ikyas gikan sa mga pulis atol sa motorcycle patrol sa Barangay Magugpo West.
Gipahunong sa mga pulis ang suspek tungod sa pagmaniho og motorsiklo nga walay plate number ug walay standard crash helmet.
Apan imbes mohunong, misulay kini og ikyas hangtod nga naabtan sa mga otoridad sa dead-end road sa Purok Pagkakaisa.
Atol sa body search, nakuha gikan kaniya ang pito ka sachet sa gituohang shabu nga gibana-banang duha ka gramos ug adunay estimated value nga P13,600.
Nakuha usab ang glass tube tooter nga adunay residue, lighter, kitchen knife, coin purse ug usa ka Suzuki Raider 150.
Nasuta usab nga wala siyay updated OR/CR ug driver’s license, hinungdan nga giisyuhan siya og traffic citation ticket.
Sa pagkakaron, anaa na sa kustodiya sa Tagum City Police Station ang suspek ug atubangon ang mga kaso ubos sa Article 151 sa Revised Penal Code, BP Blg. 6, ug Sections 11 ug 12 sa Republic Act 9165.| VIA BOMBO EROS PAJOTA
