Nakaabot ug nakaprofile na sa 72 ka street individuals sa Davao City ang DSWD Field Office XI pinaagi sa Pag-abot Program hangtod Agosto 2026.
Tumong sa programa nga matabangan ang mga indibidwal nga nagpuyo sa kadalanan nga maka-access sa government services ug matagaan og oportunidad nga makabalik sa mas lig-on ug kaugalingong panginabuhi.
Niadtong August 27, nagpahigayon ang Pag-abot Program Team og whole-day reach-out activity sa Agdao Market ug Flyover, R. Castillo, Cabaguio Street, Ilustre Street, Magsaysay Park ug Uyangguren Street, uban sa koordinasyon sa DCPO Sta. Ana.
Nakaabot usab ang team sa Mintal, Calinan, Toril ug Quirino aron mangita ug makaprofile sa mga nanginahanglan og tabang.
Matod ni Social Welfare Officer III Rovie Lovejoy Belaya, pipila sa mga naapil sa profiling na-integrate na sa angay nga government programs ug services.
Apan usa sa ilang hagit mao ang kakulang sa holding facility, nga nakapalisod sa follow-up monitoring ug reintegration sa beneficiaries.
Gipatin-aw usab nga rights-based ang ilang pamaagi ug dili pugson ang street individuals sa pagdawat og tabang.
Target sa programa nga makaabot sa 100 ka street individuals sulod sa 2026.| VIA BOMBO EROS PAJOTA
