Gisugdan na sa gobyerno ang pag-update sa census sa mga komunidad sa Capas, Tarlac aron matino ang angay nga tabang ug safeguards alang sa mga residenteng posibleng maapektuhan sa proposed industrial zone ubos sa Pax Silica initiative.
Matod sa Bases Conversion and Development Authority o BCDA, ilang gi-validate ang socioeconomic profile sa mga pamilya ug residente, lakip ang Indigenous Peoples, sa Sitio Sapang Kawayan nga nahimutang sulod ug palibot sa proposed 1,619-hectare hub.
Gihimo ang census update uban sa National Commission on Indigenous Peoples o NCIP.
Ang maong proyektogitawag na karon sa BCDA nga Clark Advanced Manufacturing Park, nga mahimong sentro sa advanced manufacturing, semiconductors, critical minerals ug AI-related industries.
Sumala sa BCDA, gamiton ang updated census isip basehan sa assistance, protection ug ubang measures alang sa mga pamilya nga mahimong maapektuhan sa proyekto.
Nagpadayon usab ang consultations sa local officials, communities ug stakeholders kabahin sa environmental, water, livelihood ug displacement concerns.
Target sa BCDA nga ma-finalize ang framework agreement sa Pax Silica sa November 2026, samtang gilauman nga magsugod ang construction sa early 2028.
