Gipakusog sa Davao City Police Office o DCPO ang security coverage alang sa 2026 Bar Examinations sa Ateneo de Davao Senior High School sa Bangkal, Davao City.
Gipangunahan ni DCPO City Director PCOL Peter Bauzon Madria ang on-the-spot inspection sa lugar uban nila PLTCOL Mark F. Balbuena, Chief Operations, ug PMAJ Sheryl Y. Bautista, Station Commander sa Police Station 3 Talomo.
Gisusi sa mga opisyal ang kahimtang sa seguridad sa palibot sa examination venue aron masiguro ang kaluwasan sa mga examinees, facilitators ug ubang personnel nga nalambigit sa Bar Exams.
Gipasiugda sa DCPO nga importante ang aktibong presensya sa kapulisan aron malikayan ang posibleng security concerns ug mapadayon ang hapsay nga dagan sa eksaminasyon.
Gipakita usab sa inspeksyon ang koordinasyon sa nagkalain-laing operational units sa DCPO nga naka-deploy sa lugar.
Padayon ang police visibility, monitoring ug security assistance samtang nagpadayon ang Bar Examinations aron masiguro ang kalinaw ug kahapsay sa palibot sa testing center.
Gipasalig sa DCPO nga magpabilin silang alerto ug andam sa pagresponde sa bisan unsang posibleng insidente.| VIA BOMBO EROS PAJOTA
