Giduso sa 20th Davao City Council ang resolusyon nga magdeklara kang Richard Heydarian isip persona non grata o dili na kini welcome sa Davao City.
Kini tungod sa iyang kontrobersyal nga pamahayag nga ang Mindanao sumala pa na pareha lang sa Sub-Saharan Africa pag-abot sa Human Development Index (HDI).
Tungod sa maong pahayag, daghang Mindanaoan ang nasuko ug wala miuyon sa iyahang gisulti.
Hilabi na ang mga Dabawenyo nga nagbarug nga dili kinahanglang nga dauton ang Mindanao, ilabi na sa mga kalambuan nga ilang napadangat sa rehiyon.
Sumala sa mga konsehal, dili nila tugotan nga pasagdan lang ang ingon nga mga insulto batok sa ilang siyudad ug sa tibuok Mindanao.
Kahibaloan nga una nang gideklarar sab si Heydarian nga persona non grata ngadto sa daghanang mga syudad ug mga probinsya sa Mindanao gumikan sa kontrobersyal niini nga pamahayag.
