DAVAO CITY- Nahimong tensiyonado ang pag-serve sa search warrant sa mga tropa sa Special Action Force, mga kapulisan sa nagkadayang istasyon sa kapulisan sa DCPO ug sa Criminal Investigation and Detection Group sa mga propedad sa Kingdom of Jesus Christ.
Subay sa report sa mga otoridad gisilbi ang arrest warrant kagahapon sa buntag sa Kingdom of Jesus Christ Compound sa Catitipan, Buhangin Dist. ning dakbayan sa Davao aron nga dakpon si Pastor Quiboly. Apan atol sa pagsilbi sa mga otoridad aduna pa’y nahitabong tensyon ug milungtad pa ug pipila ka oras ayha nakasulod ang mga otoridad sa compound gumikan sa pagbarikada sa mga supporter sa nagtago-tago nga pastor.
Samtang sa laing bahin dungan sab nga gipahigayon ang pagsilbi sa arrest warrant sa usa niini ka propedad nga nahimutang sa Brgy.Tamayong Calinan Dist.ning syudad kaganihang sayo sa buntag ug uban pang propedad ni Pastor Quiboloy.
Atol sa gipahigayon nga pagsilbi sa kapulisan sa arrest warrant usa ka Jhon Paul Pantoja, security guard sa KOJC compound ang nipatim-aw human nga napugos sumala pa sila og sukol gumikan kay pugsanon sumala pa nga gisulod sa mga personahe sa mga kapulisan ang Kingdome, rason nga ilaha kining gipugngan.
Sumala pa niini, daghanang mga batan-on nga sagad nga babaye ang nangaangol, apan dali kining nakadawat og first aid.
Gikanayon ni P/Maj. Catherine Dela Rey, ang tigpamaba sa Police Regional Office XI, nga ang pagserve sa arrest warrant kabahin sa mandato sa mga law enforcers ug dili ni Pang. Ferdinand Marcos, Jr.
Sa laing bahin, niadtong milabayng adlawng dominggo, duha ka helicopter ang nagbalik-balik ug nagtuyok-tuyok sa lugar ug aron motabang sa pagsuta sa gikahimutangan ni Quiboloy. Matud pa nga mokabat sa usa gatos ka mga sakop sa SAF ug CIDG ang nahiabot sa KOJC ug nipahigayon og search operation sa tanang bahin sa kingdome lakip na usab sa Tamayong, diin usa usab sa mga luna nga gipanag-iyahan sa pastor.Samtang, nagpaabot usab og mensahe si Kanhi Pangulong Rodrigo Duterte nga maoy nagpakalma sa mga supporters ni Quiboloy.
Nanawagan ang mga supporters ni Quiboloy ug hustisya kalakip na ang pagkanaog ni Pres.Ferdinand Marcos, Jr. sa iyang pwesto isip pangulo sa nasud. Sa pagkakaron, wala pa gibutyag sa mga otoridad kung nadakpan na ba ang gipangita nga Pastor nga si Quiboloy gumikan sa kasong sexual abuse, human trafficking, ug child abuse nga giatubang sab sa lima pa niini ka mga kaubanan nga gipangita sab karong panahuna.
