DAVAO CITY – Gitino ni Magsaysay Davao del Sur Public Information Officer Anthony Allada, nga mamahimo pa gihapon nga makabalik sa ilang mga gipanag-iyahan nga luna ang mga residente sa lalawigan nga naapektohan sa kusog nga linog sa milabay nga bulan sa Oktubre.
Apan gitino sa opisyal nga dili na tugtan nga makatukod sa ilang panimalay ang mga nahisgutan inay magpadayon lamang sa ilang panginabuhian sama sa panguma.
Kahinumduman nga gisugdan na karon sa Magsaysay ang Rehabilitation and Recovery program diin target nila nga makabalhin na sa community site ang mga apektadong residente sa Enero 2020.
Gitataw sab ni Allada nga nagpadayon sab karon ang ilang paghatag og suporta ngadto sa mga bakwit hinungdan nga mihimo na sila og mga lakang aron nga dili magdugay sa mga tent ang mga nahisgutan.
Kalakip sab sumala pa sa subayon karon sa lokal nga panggamhanan ang linya sa tubig ingon man kuryente.
