-- ADVERTISEMENT --
Gibutyag sa Department of Energy (DOE) ang dakong posibilidad nga adunay rollback sa presyo sa produktong petrolyo sa unang semana sa Hunyo.
Sumala ni DOE Oil Management Bureau Director Rino Abad, gibase kini sa upat ka adlaw nga trading sa presyo sa lana sa pandaigdigang merkado.
Apan, wala pa naghatag og banabana ang opisyal kon pila ang mahimong moubos sa presyo.
Sa adlaw pa sa Lunes mahibal-an ang eksaktong adjustment, nga kasagarang ipatuman matag Martes.
