Gikanayon ni Israeli PM Benjamin Netanyahu kagahapong adlawa nga nagkasabot na sila ni US Pres. Donald Trump nga bisan unsang pinal nga kasabutan uban sa Iran kinahanglan nga hingpit nga mopahunong sa giingong nuclear threat sa Islamic republic.
Matod ni Netanyahu, nakig-estorya siya kang Trump niadtong Sabado sa gabii, nga una nang gihulagway sa Amerika isip usa ka “maayong panag-istoryahanay.”
Nasayran nga lakip sa ilang nasabutan ang pagbulag sa uranium enrichment facilities sa Iran ug ang pagtangtang sa enriched nuclear materials gikan sa teritoryo niini.
Gibutyag usab sa lider sa Israel nga nagpabiling pareho ang ilang posisyon ni Trump nga dili gayod dapat makabaton og nuclear weapons ang Iran.
Nasabutan usab kuno sa duha ka lider ang memorandum of understanding kabahin sa pag-abli pag-usab sa Strait of Hormuz, nga usa ka importante nga agianan sa pandaigdigang suplay sa lana ug kalakalan.
Dugang pa ni Netanyahu, nagpabiling lig-on ang alyansa sa Israel ug United States, ilabina sa seguridad ug depensa batok sa mga hulga sa rehiyon, lakip na ang sitwasyon sa Lebanon.
