DAVAO CITY – Madugay pa ang pagmugna sa Metro Davao Development Authority kon MDDA, taliwala sa naunang schedule niini nga unang bahin sa tuig 2023.
Gikanayon ni Davao City Third District Representative Isidro Ungab, kinahanglan pa han-ayon ang Implementing Rules and Regulations aron mahaom kini sa tinuod nga laraw sa maong ahensya.
Nanginahanglan sab kini mag-appoint og mga myembro sa organizing body aron pagatukion ang mga balaod ug ang mga pamaagi sa pagtuman niini.
Dugang pa ni Ungab nga maong nagbuhat sa House Bill 8930 sa Kamara, makigpulong siya sa Malacanang alang sa pagpatukod niini.
Gikatakda ang pakighinabi ni Ungab ngadto sa mga representante sa Presidential Management Staff ug Office of the Special Assistant to the President nga gipangunahan ni Anton Lagdameo.
Ang MDDA, nga mahisusama sa MMDA sa Metro Manila, ang usa sa mga mamahimong governing agency nga magdumala sa mga syudad sa tibuok Davao Region.
Kahinumduman nga nagpadayag ug suporta si Pangulong Bongbong Marcos alang sa pagmugna sa MDDA.
via || Bombo LJ Florendo
