DAVAO CITY – Misaad si Davao City Mayor Sara Duterte-Carpio nga mohatag ug cash incentives sa tulo ka mga department offices sa syudad kansa mga makahimo sa pagpa-ubos sa ilang mga timbang pag-abot sa bulan sa Disyembre ning tuig kasamtangan.
Sumala pa ni Davao City Sports and Development Office officer-in-charge Mikee Aportadera, andam mohatag ang Mayor ug P20,000 reward sa tulo ka mga departamento kung molampus sa nahisgutang tahas isip kabahin sa Fit Philippines One Million Pounds National Weight Loss Challenge.
Dugang pa sa maong opisyal nga usa-usa na nilang giduaw ang nagkadaiyang mga buhatan sa lokal nga kagamhanan aron kuhaon ang kasamtangang timbang sa mga empleyado niini.
Ug subli sumala pa nilang timbangon ang mga nahisgutan pag-abot sa bulan sa desyembre aron sayron kung mi-ubos ba ang timban sa mga nahisgutan.
Ang kuwarta nga ilang makuha mamahimo sumala pang gamiton sa mga empleyado sa ilangf chrstmas party.
Kahinumduman nga gipangunahan ni Mayor Inday ang launching sa Fit Philippines One Million National Weight Loss Challenge niadtong milabay nga semana ug misaad nga mopa-ubos sa iyang timbang ug 10 pounds.
