DAVAO CITY – Mapasalamaton si Davao City Mayor Inday Sara Duterte-Carpio gumikan kay adunay usa ka private drive-in motel ang boluntaryo nga mitanyag nga hatagan ug lawak kadtong mga health workers sama sa nurse nga gipapahawa sa ilang dormitoryo tungod pa gihapon sa isyu sa covid-19.
Sa ilang nahimong hinabi ni Vice Mayor Sebastian Duterte misigot n matud pa ang usa ka private drive-in motel nga Oh George! Management nga hatagan ug temporaryong kapuy-an ang mga health workers.
Kahinumduman nga mihimo gilayon ug aksiyon si Mayor Inday human nga nagpasibaw ang usa ka nurse kalabot sa pagpahawa kanila sa dormitoryo nga nahimutang sa Narra Street.
Apan hugtanon nga gipanghimakak sa Narra Apartment ang maong pasangil ug usa sumala pa kini ka fake news.
Gitino sa pamunoan nga manirado ang ilang apartment tungod sa operational issue ug dili tungod sa diskriminasyon sa mga nangarkila niini.
