-- ADVERTISEMENT --
Gii-imbestigahan sa mga health authorities sa Brazil ang usa ka suspetsadong kaso sa Ebola sa Sao Paulo, human ma-report kini niadtong Sabado, Mayo 30.
Sumala sa mga opisyal, ang pasyente usa ka lalaki nga gikan sa Democratic Republic of the Congo nga miabot sa Sao Paulo ug nakasinati og hilanat human sa bag-ohay nga pagbiyahe sa Africa, diin padayon ang Ebola outbreak.
Gidala ug gi-isolate ang pasyente sa usa ka ospital sa Sao Paulo nga espesyalista sa pag-atiman sa mga suspected ug confirmed infectious disease cases.
Padayon ang imbestigasyon sa mga awtoridad aron makumpirma kung tinuod nga Ebola ang maong kaso ug aron mapugngan ang posibleng pagkalat sa sakit.
