DAVAO CITY – Mibiyahe na kagahapong adlawa si Vice Mayor Sebastian “Baste” Duterte paingon sa China aron nga lagdaan ang initial agreement nga maoy dalan aron nga mas molig-on pa ang sister city pact tali sa Davao City ug Chongqing City.
Una ng gibutyag Matias Regis, technical adviser for Special Concerns of the Davao City Investment and Promotions Center (DCIPC), nga nag paglagda sa memorandum of understanding mamahimong kabahin sa highlights sa pagbisita ni Baste sa Chongqing nga nahimutang sa southwest China nga iladong manufacturing hub sa electronic gadgets.
Apan gitino ni Regis nga ang ipahigayon nga signing ang kabahin sa initial activity alang sa sister city agreement sa duruha ka siyudad sanglit si Mayor Sara Duterte ang gihatagan ug otoridad sa City Council kalabot sa maong lakang.
Nasayran nga ang Davao adunay duruha pa ka Chinese sister cities nga gilangkuban sa Jinjiang sa Fujian ug Nanning sa Guangxi.
Kabahin sa delegasyon ni Baste sila si First District Councilors Maria Clara Belen “Mabel” Sunga-Acosta ug Pamela A. Librado, Second District Councilors Danilo C. Dayanghirang ug Diosdado Angelo R. Mahipus, ug Third District Councilors Alberto Ungab, Myrna G. Dalodo-Ortiz ingon man Jesus Joseph Zozobrado.
