Gipasabot sa Department of the Interior and Local Government-Davao nga limitado lamang ang gahum ni Acting Mayor Sebastian “Baste” Duterte subay sa Section 46(a) sa Local Government Code.
Sumala pa ni DILG City Director Vicky Sarcena, dili kini maka-hire, dismiss, o maka-appoint og mga plantilla positions, gawas lamang sa mga contractual o job orders.
Maka-exercise lamang siya sa tibuok gahom sa mayor kung molapas na og 30 working days ug wala pa gihapon kabalik ang tinuod nga midaog sa eleksyon.
Giingon ni Sarcena nga temporary vacancy pa gihapon ang posisyon ni Mayor ug Vice Mayor hangtod walay pormal nga resignation o panumpa gikan sa proklamadong mayor-elect nga si Rodrigo Duterte.
Sa karon, si Baste Duterte ang opisyal nga milingkod isip Acting Mayor samtang si Konsehal Rigo Duterte II ang Acting Vice Mayor.
Gipangayo pa sa DILG ang klarong direktiba ni Presidente Bongbong Marcos kung kinsa ang magdeklara sa permanenteng vacancy.
Sa laing bahin, bakante gihapon ang puwesto ni Rigo sa konseho hangtod adunay pormal nga appointment gikan sa Presidente.
Kung kini mahitabo, gi-rekomenda sa DILG nga gikan gihapon sa iyang partido ang iyahang kapuli
