Mipahayag ang House of Representatives nga dili kini matarog sa giingong political threats nga gipagawas sa Partido Demokratiko Pilipino o PDP kalabot sa gikatakdang panagboto sa impeachment complaint batok kang VP Sara Duterte karong adlawa.
Sumala pa kang Cong. Paolo Ortega V, dili mahadlok, dili ma-blackmail ug dili usab mapugngan ang mga kongresista sa pagtuman sa ilang konstitusyonal nga katungdanan, ilabina sa paghisgot ug pagdesisyon sa impeachment complaints.
Dugang pa niini, gipasiugda ni Ortega nga ang Kamara magpabiling lig-on batok sa bisan unsang porma sa political pressure nga mahimong makaapekto sa proseso sa impeachment.
Kini nga pagmatuod ni Ortega misunod human nagpasidaan ang Partido Demokratiko Pilipino nga posible nilang i-blacklist ug kontrahon sa umaabot nga eleksyon ang mga magbabalaod nga mobotar pabor sa impeachment ni VP Sara Duterte.
Sa kasamtangan, matud pa ni Ortega, mas gipabalhan sa Kamara ang tingog sa katawhang Pilipino kaysa sa interes sa usa ka partidong nga sumala pa nagtinguha panagboto sa pagpalig-on sa impluwensya niini sa politika.
Samtang nagkaduol ang maong pagbotar, padayon usab nga gisubay sa publiko ug sa nagkadaiyang sektor ang kalamboan sa impeachment complaint batok sa bise presidente.
