DAVAO CITY – Gibasura sa piskalya ang kaso nga giduso batok usa ka police corporal ug sa tulo ka mga police auxiliary nga una ng nasikop sa gikasa nga entrapment operation sa mga personahe sa National Bureau of Investigation (NBI) tungod sa extortion sa Purok 8- seaside Barangay 76-A nitong lungsod.
Sumala pa kang Major Joseph Violan, commander sa San Pedro PNP, gibasura sa piskalya ang kaso batok kang Police Corporal Reynard Aballe ug mga police auxiliary nga sila si Keevin Tacsan, Kris Polido Tacaldo ug Martin Sergio gumikan kay wala sumala pay igo nga ebidensiya nga moduot kanila.
Kahinumduman nga gireklamo ang mga nahisgutan gumikan sumala pa sa pagpangilkil sa sugal nga ginapahigayon samtang adunay lamay sa patay.
Apan sa milabay nga biyernes, nagpagula na matud pa ug kamandoan ang korte tungod kay walay igong basehan ang maong reklamo.
