DAVAO CITY – Full deployment ang gipatuman karon sa Davao City Police Office (DCPO) sa ilang mga sakop aron nga magpatuman ug hugtanon nga seguridad dili lamang sa mga aktibidad sa Pasko Fiesta kung dili bantayan sab ang mga tulonghaan sa dakbayan aron nga malikayan ang susama nga insidente nga nahitabo sa Initao, Misamis Oriental diin usa ka lalaki ang naghurumentado ug nagpabusikad ug Granada nga gikamatay sa usa ka pulis officer ug gika-angol sa usa ka estudyante.
Sumala pa kang Pol. Capt. Rose Aguilar, tigpamaba sa DCPO nga kung adunay mamatikdan nhga adunay kadudahan nga mga tawo sa palibot mamahimong mangayo gilayon ug pakitabang sa mga kapulisan nga nagkatag karon sa dakbayan aron nga dali kining maaksiyonan.
Gitataw sab sa nahisgutan nga usa ka isolated case lamang ang nahitabo sa Misamis Oriental ug paningkamutan sa kapulisan siyudad nga mapatuman ang seguridad sa katawhan dinhi sa dakbayan.
