Gipahimutang sa high alert ang philippine red cross human sa kalit nga pagtaas sa aktibidad sa bulkang mayon niadtong sabado.Sumala pa sa report, bandang alas 4:28 sa hapon, nakasinati og lava collapse ang bulkan nga misangpot sa rockfalls ug ashfall sa mga duol nga lugar.Dugang pa niini, misunod ang strombolian activity mga alas 4:50 sa hapon, ug pagsulod sa alas 6:00 sa gabii, nakarekord og pyroclastic density currents o pdc’s sa mi-isi gully sa habagatang bahin hangtod habagatan-kasadpan sa bulkan.
Lakip sa gihimo sa prc mao ang pagpahiluna sa ilang rc143 volunteers sa mga lugar sa camalig, guinobatan, legazpi city, ug daraga aron maghatag og aktuwal nga oras nga dokumentasyon ug bag-ong impormasyon ngadto sa operations center.Sa kasamtangan, padayon ang koordinasyon sa prc uban sa mga lokal nga otoridad ug disaster response agencies aron maseguro ang kaluwasan sa mga residente sa bicol.Gipahimangnoan usab sa prc ang publiko nga likayan ang pagsulod sa danger zone, ilabi na sa mga sapa ug gullies nga posibleng agianan sa kusog nga pag-agos sa init nga gas ug debris.
Dugang pa, gipasidan-an ang mga residente nga magpabilin sa sulod sa balay kung adunay ashfall, mogamit og protective masks, ug siguruhon nga natabunan ang pagkaon ug tubig aron malikayan ang kontaminasyon.Sa laing bahin, ang bulkang kanlaon usab mibuga og abo gikan sa summit crater mga alas 1:25 sa hapon sa mao gihapong adlaw.
Sumala pa sa phivolcs, miabot sa 700 metros ang kataas sa plume nga misangpot sa pag-anod niini paingon sa kanluran ngadto sa habagatan-kasadpan.Sa pagkaron, nagpabilin sa alert level 2 ang kanlaon, nga nagpasabot og moderate unrest apan wala pa’y timailhan sa dako o mas grabe nga pagbuto.
