Nakabsan sa kinabuhi ang Defense Minister sa Mali nga si Sadio Camara human sa giingong suicide truck bombing sa iyang pinuy-anan duol sa sentro nga Bamako, dungan sa sunod-sunod nga coordinated attacks sa lain-laing bahin sa nasud.
Sumala sa report, usa ka sakyanan nga puno sa pambusikad ang mibangga sa kabalayan sa opisyal sa Kati, nga giingong gihimo sa mga militanteng grupo nga konektado sa al-Qaeda.
Namatay usab ang pipila ka miyembro sa iyahang pamilya ug uban pang sibilyan human nahugno ang bahin sa building ug naapektuhan ang duol nga mosque.
Gikumpirma sa nahisgutan sa state media nga si Camara namatay tungod sa grabeng samad human pa kuno kini nakig-engkwentro sa mga misulong sa wala pa kini hingpit nga namatay sa ospital.
Gawas kang Camara, giluwas usab si junta leader Gen. Assimi Goïta human targeton ang iyang pinuy-anan.
Ang dungan mga opensiba gilambigit sa mga jihadist group nga konektado sa al-Qaeda ug Islamic State, ingon man sa separatist group nga Azawad Liberation Front nga nag-operate sa amihanang bahin sa nasud.
Dungan niini, gireport usab ang pag-atras sa mga Russian mercenaries nga kauban sa militar sa Mali gikan sa pipila ka lugar sa Kidal human sa pipila ka adlaw nga engkwentro, bisan pa man wala pa’y opisyal nga kumpirmasyon gikan sa Russia.
