Nahugno ang Kaliwet Bailey detour bridge sa Barangay Nalasin, Santo Domingo, Ilocos Sur human kini tabukan sa usa ka 20-ton nga 10-wheeler truck nga milapas sa 5-ton nga load limit.
Subay sa Department of Public Works and Highways, nahitabo ang insidente niadtong Sabado ug gilayon nilang gipadala ang mga team aron susihon ang kahimtang sa tulay ug magdumala sa trapiko sa maong lugar.
Sa pagkakaron, gigamit ang temporaryong tulay nga adunay 20-ton capacity isip detour samtang giayo pa ang permanenteng istruktura.
Dugang pa niini, gisugo ni Presidente Ferdinand Marcos Jr. nga papanubagon ang operator sa truck nga nakalapas sa load limit.
Gipahimangnoan usab ang mga motorista nga mosunod sa load restrictions aron malikayan ang susamang panghitabo ug masiguro ang kaluwasan sa dalan.
