DAVAO CITY – Gikumpirma sa Department of Education (DepED) nga mikabat ngadto sa kapin 1,100 classrooms sa Davao region ang nakaangkon ug grabe nga kadaut human ang sunod-sunod nga pagtay-og sa Mindanao.
Gikanayong kinatibuk-ang 702 classrooms ang dili magamit gumikan kay “totally damaged” na kini samtang 417 classrooms ang nakaangkomn ug grabe nga kadaut nga posibleng hinungdan nga mabutang sa risgo ang kinabuhi sa mga estudyante ingon man sa school personnel.
Tungod niini, nanginahanglan karon ang ahensiya ug hinabang sa uban nga mga hingtungdan nga ahensiya alang sa posibleng rehabilitasyon sa 417 ka mga nadaut nga classrooms. Kahinumduman nga kadaghanan sa mga nadaut nga tulonghaan ang anaa sa Davao del Sur apan ang klase sumala pa sa Bansalan ug Magsaysay ang laoman nga magpadayon na sa lunes.
