Gilusad kagahapong adlawa, Mayo 8, ang Dapat Isa Lang (D1L) Movement, usa ka nationwide grassroots campaign nga nagtumong sa pagpasa sa “genuine” anti-political dynasty bill pinaagi sa people’s initiative.
Lakip sa mga nailhan nga miyembro sa maong kalihukan mao si kanhing Supreme Court Justice Antonio Carpio, Fr. Robert Reyes, Atty. Carlo Africa, ug uban pang civic leaders.
Sumala pa sa grupo, tumong sa D1L Movement nga limitahan ang mga political families ngadto sa usa ra ka posisyon sa national level sama sa Presidente, Bise Presidente, Senado, House of Representatives, ug Party-list. Matud pa sa grupo, gusto usab nila nga sa provincial hangtod barangay level, usa ra ka puwesto ang mahimong okuparon sa political families, lakip ang Governor, Mayor, Vice Mayor, Konsehal, Barangay Kapitan, ug Kagawad, ug i-aplikar kini hangtod saBise Presidente ug affinity.
Lakip pa niini, ilawom sa people’s initiative, kinahanglan makaipon og 10% o 6.9 milyones nga pirma gikan sa mga rehistradong botante sa tibuok nasod, o 3% sa 254 distrito sa Pilipinas.Kung makompleto kini, ipasaka ang petisyon sa Commission on Elections, ug himuon ang referendum diin ang publiko mopili og “YES” o “NO.”
Sumala sa balaod, pinaagi niini nga proseso dili na kinahanglan moagi sa Kongreso o sa Presidente ang proposed nga balaod, subay sa Article VI, Section 32 sa 1987 Constitution.
