-- ADVERTISEMENT --
Gipaneguro sa kampo ni Kingdom of Jesus Christ (KOJC) leader Pastor Apollo Quiboloy nga ilahang babagan ang lakang sa Philippine National Police (PNP) nga ibalhin ang pastor sa Quezon City Jail.
Gipahayag ni Atty. Israelito Torreon, ang abogado ni Quiboloy, nga delikado pa gihapon ang seguridad sa iyahang kliyente hinungdan dili kini ibalhin sa kustodiya sa kapulisan.
Dugang pa sa abogado nga sa kamatuoran, mosobra sa 500 ka mga pulis ang mi-aresto sa pastor nga nagpasabot nga delikado gayod ang seguridad niini sa higayong ibalhin gikan sa PNP Custodial Center.
Gihulat pa gihapon nila sa pagkakaron ang desisyon sa Pasig ug Quezon City Regional Trial Court sa gipasaka nilang petisyon nga ipailalom si Quiboloy sa hospital arrest.
