Kapin 50 ka mga empleyado sa Land Transportation Office (LTO) ang gipasakaan og kasong administratibo sumala kay LTO Chief and Transportation Assistant Secretary Markus Lacanilao.
Lakip sa mga kaso nga ipasang-at batok sa mga empleyado mao ang grave misconduct, serious dishonesty, gross neglect of duty, extortion, falscification of official documents, ug uban pa nga paglapas nga may kalbutan sa integridad sa ahensya.
Sumala pa ni Lacanilao, lakip na sa ipatuman niya nga kampanya batok sa korapsyon ug pagpasagad sa ahensya ilawom sa iyang 7-Point Priority Agenda nga naka sentro sa integridad, pagkamatinud-anon, ug kalidad sa serbisyo.
Dugang pa niya, dili lamang mga operasyon batok sa mga fixer ug badlongon nga motorista ang ginatutukan sa LTO, apan apil na niini ang paglimpyo sa mga sariling empleyado aron mabalik ang pagtagad ug pagsalig sa publiko sa ahensya.
Sumala sa LTO, miabot ngadto sa 56 ka empleado, usa ka presedential appointee samtang 34 ka permamente gikan sa central office, ug uban pang regional offices sa Metro Manila, Region II, Region IV-B, Region VI, Cordillera Admnistrative Region (CAR) ug CARAGA.
Lakip na sa mga lakang nga isilot mao ang preventive suspension ug pagpasaka og formal charges sa pipila ka mga empleyado, samtang ang uban ipailawom sa imbestigasyon sa Central Office Disciplinary Board (CODB), Regional Administrative Active Board (RAAB), ug Department of Transportation (DOTr).
Samtang, 16 job order personnel ang tangtangon sa serbisyo, samtang duha ka LGU Auxillary enforcer ug usa ka security guard ang gibawian og deputation authority.
Duha ka opisyal sa LTO gikan sa National Capital Region ug Region XII ang gipahamtangan og “stern warning” tungo d sa mga administrative lapses.
