Gipasalig sa Philippine National Police nga andam ang ilang pwersa aron masiguro ang kaluwasan sa mga estudyante, magtutudlo ug ginikanan alang sa pag-abli sa klase sa Hunyo 8 sa mga pampubliko ug pribadong eskwelahan sa tibuok nasod.
Matud ni PNP Chief Jose Melencio Nartatez Jr., igo ang ilang mga kapulisan aron motubag sa mga panginahanglanon sa seguridad atol sa balik-eskwela.
Ubos sa ilang security plan, tutokan sa PNP ang presensya sa mga pulis sa mga eskwelahan ug mga nag-unang dalan aron masiguro ang kaluwasan sa publiko ilabina sa mga kabatan-onan.
Giingon usab sa PNP nga padayon nilang ginatuman ang ilang mandato sa pagmintinar sa kalinaw ug kahapsay samtang giandam ang mga lakang alang sa luwas nga pagsugod sa bag-ong tuig sa pag-eskwela.
