DAVAO CITY – Naglusad na karon ug hot pursuit operation ang otoridad batok sa mga rebeldeng New People’s Army (NPA) nga mi-atake sa IP community sa davao del norte luyo sa pagkuyanap sa Covid-19 crisis.
Kahinumduman nga kagahapon sa buntag dihang mi-atake ang pipila ka mga sakop sa mga rebelde sa Sitio Tapayanon, Kapalong, Davao del Norte.
Gikanayong dili matino nga ihap sa mga NPA ang milusad ug pagpangatake sa maong IP Communities sa nahisgutan nga Sitio.
Gilayon nga miresponde sa lugar ang 60IB ilalom sa 10ID aron nga gukdon ang mga rebelde nga miresulta sab sa engkuwentro.
Milungtad ang bakbakan ug lima ka minuto.
Paspas sab nga misibat ang mga rebelde sa wala matino nga direksiyon human ang pagpangatake.
Hinuon wala natalang casualty sa bahin sa gobyerno samtang dili ma sab matino kung dugay naangol sa rebeldeng grupo.
Gipasalig sab 10ID nga pabilin nila nga protektahan ang IP communities bisan nga nagsagubang karon ug suliran ang nasod batok Covid-19.
