DAVAO CITY – Duha ka persons of interest ang ginatutukan sa nahitabong paglabay og granada sa usa ka elf truck sa mag-inahang Abapo niadtong Abril 24 sa National Highway, Brgy. JP Laurel, Panabo City, Davao del Norte.
Sumala ni PRO 11 Spokesperson PMaj. Catherine dela Rey, napahigayon na ang post-blast investigation ang Explosive Ordnance Disposal Unit sa Panabo PNP ug subli na sab nakuha sa kapulisan ang CCTV footage diin nakuha mismo ang pipila ka hulagway sa duha ka mga naka-motor nga suspek nga gituohang nagpabusikad sa gimanehong truck ni Yushehito Abapo ug ang nakabsan sa kinabuhi nga si Loreta Abapo nga pulos mag-inahan nga nagpuyo sa Magsaysay,Davao del Sur.
Nasayran nga gikan Maragusan ang mag-inahan nga gisundan sa mga wa pa mailhing suspetsado.
Duha ka anggulo sab ang gitutukan sa maong pagbusikad nga mao ang personal grudge o bangi sa negosyo.
Gitutukan sab ang pulitika nga posibleng hinungdan sa maong krimen tungod na sab sa kalambigitan sa asawa ni Loreta isip barangay kapitan sa usa ka barangay.
Giklaro sab sa PRO 11 nga dili terroristic attack ug isolated case lamang ang nahitabong pagbusikad, apan nagpadayon gihapon ang imbestigasyon sa maong insidente.
via || Bombo LJF
