DAVAO CITY – Ginahuman na lamang sa DPWH 11 ang pag-aspalto sa dalan una hingpit abrihan sunod bulan ang Talomo coastal road ning syudad.
Gikanayon ni DPWH 11 spokesman Dean Ortiz kung magpadayon ang hapsay nga pagtrabaho gikatakda na kining pormal nga maabrihan karong mosunod nga bulan sa Oktobre tuig kasamtangan.
Gipahimutang karon ang dagkong mga signage sa entrada nga bahin sa kalsada aron ipahibalo sa publiko nga hugtanong gidili ang pagsulod ug dili mahasol ang nagpadayong trabaho sa dalan.
Apan giangkon ni Ortiz nga daghang mga tawo ang dili motuo apil na ang mga residente sa lugar ug ginawahing lamang ang signage aron mosulod ilabi na panahon sa mga adlaw nga sabado ug domingo.
Gikatarungan ni Ortiz nga makuyaw ang pagsulod sa publiko sa maong dapit gumikan kay nagpadayon pa ang construction works ug naay dagkong mga heavy equipment.
Gilauman nga makuhaan na ang dakong problema sa trapiko sa syudad sa higayon nga hingpit nang magamit ang coastal road.
Dugang pa ni Ortiz nga sa karon, naa na sa 26.82% ang work completion sa area sa matina aplaya, paingion sa punta dumalag lapus sa times beach lakip na ang nagpadayong paghimo sa tulay nga mokonekta sa talomo paingon sa matina aplaya ning syudad.
