DAVAO CITY – Mismong ang ahensiya sa Department of Health (DOH)-Davao ang nagbutyag nga walay natala nga bag-ong kaso sa Covid 19 sa rehiyon sulod na sa tulo ka adlaw sukad nga gipatuman ang enhanced community quarantine (ECQ).
Sumala pa kang DOH-Davao Assistant Director Dr. Lenny Joy Rivera nga ang zero cases natala kaniadtong Abril 6, Abril 10 ug Abril 12.
Sa kasamtangan, nagpabilin sa rehiyon ang 90 cases apan ang dakbayan sa Davao pa gihapon ang adunay pinakataas nga anaa sa mga pasyente nga nagpositibo nga anaa sa 74, gisundan kini sa Davao del Norte nga adunay siyam, Davao Oriental adunay tulo, Davao del Sur adunay duruha ug Davao de Oro adunay duruha.
Samtang nagpabilin pa gihapon nga covid free ang lalawigan sa Davao Occidental.
Anaa sab sumala pa sa 50 ka mga pasyente nga infected karon sa respiratory disease ang nakarekober.
Sa kasamtangan, anaa lamang sumala pa sa 26 ka mga pasyente nga nagpositibo sa Covid-19 ang gitambalan sa duruha ka mga two state-run hospitals sa rehiyon nga mao ang SPMC sa Davao City ug Davao Regional Medical Center sa Tagum City.
Samtang nanawagan si SPMC chief Dr. Leopoldo Vega sa mga dabawenyo nga ipadayon ang social distancing, likayan ang mass gathering, magsuot ug mask usbon ang batasan aron nga dili na mosaka ang kaso sa Covid-19.
