DAVAO CITY – Gipanghimakak sa Digos City Police Station (DCPS) nga gisikop nila ang usa ka nurse nga gibabagan sa otoridad human nga pakyas kini nga makapakita ug ID.
Sumala sa DCPS hugtanon nga nagatuman sa guidelines ang otoridad ug ang ilang gihimo usa lamang ka verification sukwahi sa nauna nga akusasyon.
Una ng nag-post sa Social media ang Philippine Nurses Association (PNA) Davao del Sur nga nagkanayong gikondena nila ang nahimong lakang sa law enforcers sa checkpoints nga wala pagrespeto sa Professional Regulation Commission (PRC) ug employment ID sa maong nurse inay gipangitaan sumala pa ug quarantine pass.
Una na sumala pa nga nakadawat ug impormasyon ang PNA nga usa ka nurse ang gisikop sa LYR Building sa Rizal Avenue sa mga pulis nga nagpatrolya isip kabahin sa city-wide “Oplan Patagam”.
Sakay sumala pa ang maong nurser kauban ang iyang igsuon sa usa ka tricycle dihang gipugngan sila alang sa random checking.
Dihang gipangayoan ug quarantine passes ang mga nahisgutan, bugtong ang igsuon sa nurse ang naghupot samtang PRC ug company ID ang iyang gipakita sa otoridad.
Wala sumala pa kini gidawat inay gipangayoan kini ug certificate of employment (COE).
Human nga pakyas ang maong nurse, gidala kini sa Digos City gymnasium pinaagi sa patrol car ug gipailalom sa duruha ka oras nga community service tungod sumala pa sa paglapas sa ordinansa sa siyudad.
Apan hugtanong gipamahayag sa kapulisan nga bugtong PRC license lamang ug walay company ID nga napakita ang maong nurse nga makapamatuod nga nagtrabaho kini.
Hinuon andam sumala pa ang law enforcer sa ipahigayon nga imbestigasyon o dayalogo aron nga masulbad ang maong akusasyon.
