DAVAO CITY – Gikaalarma karon sa Department of Education Region XI ang ihap ug ang nagkabata nga edad sa mga sayong nagmabdos o teenage pregnancy sa probinsya sa Davao del Norte.
Sa datos gikan sa Provincial Health Office sa Davao del Norte, gikan Enero hangtod bulan sa Setyembre ning kasamtangang tuig, nikabat sa 569 ang ihap sa mga bata nga nagmabdos diin 9 anyos ang natala nga pinakabata nga naburos.
Pinakadaghan ang natala sa Kapalong nga anaa sa 124 Teens, gisundan kini sa Panabo City nga dunay 91, ikatulo ang Tagum City sa ihap nga 83, IGACoS 66, Santo Tomas 61, Asuncion 36 ka bata ang sayo nagmabdos, samtang sa Talaingod anaa sa 31, Carmen 26 New Corella 25, San Isidro 16 ug Braulio E Dujali 10.
Busa kinahanglan na matod pa og whole-of-nation approach pinaahi sa Comprehensive Sexuality Education and Adolescent Reproductive Health (CSE-ARH) program.
Aminado ang otoridad nga dakong hagit alang kanila ang pagpakgang sa nagpadayong pagsaka sa teenage pregnancies, sexually transmitted diseases, ug uban pang reproductive health issues sa mga batan-on.
VIA || Bombo Mel Valledor
