DAVAO CITY – Ginatutukan karon sa Davao City Transport and Traffic Management Office ang pag-monitor sa mga motorista ug mga manabukay.
Sa pakighinabi sa Bombo Radyo Davao kang CTTMO Acting Division Head nga si Police Major Leonardo Pamplona Jr., gikatala niini nga anaa sa 20,212 ka mga apprehensions sa Violating Pedestrial Crossing; ug Careless Driving nga anaa sa 14,316 apprehensions gikan Setyembre 11 hangtud sa kasamtangan.
Daan na kining gikabahad ni Davao City Mayor Baste Duterte ngadto sa katawhan ang saktong paggamit sa pedestrial lanes.
Samtang nagapaniid sab ang mga traffic enforcers sa mga pedestrial lanes duol sa mga tulunghaan alang sa luwas nga pagtabok sa mga estudyante.
Nagpadayon gihapon ang enforcement sa buhatan ngadto sa mga magtutuon ilabi nang panahon sa ting-ulan pinaagi Peak Hours Augmentation Bus System nga nagasubay gihapon sa mga nag-unang kadalanan paingon sa mga point destinations sa dakbayan.
Gibutyag sab ni PMaj Pamplona ang kakuwangon sa mga traffic enforcers ug ang ilabihang demand niini panahon sa full implementation sa face-to-face classes sunod bulan.
via || Bombo LJ Florendo
