Drone strike sa Russia sa Romania, gikondena sa NATO

Gikondena sa North Atlantic Treaty Organization ang drone strike sa Russia nga miigo sa pipila ka mga kabalayan sa Romania.

Ang insidente maoy hinungdan sa dakong sunog ug pagkaangol sa duha ka sibilyan sa lungsod sa Galati, duol sa utlanan sa Ukraine.

Matud sa NATO, usa kini ka paglapas nga gihimo sa Russia.

Gikataho nga makadaghang higayon nang namatikdan ang mga drone sa Russia duol sa border sa Romania, apan kini ang unang higayon nga adunay mga sibilyan nga nasamdan.

Samtang, gibutyag sa Ministry of Defense sa Romania nga ilang gipapalupad dayon ang ilang mga F-16 fighter jets human makontrola ang paglupad sa mga drone sa maong lugar.