DAVAO CITY – Gikabutyag ni Davao City Transport and Traffic Management Office chief Dionisio Abude, nga dunay gipasa nga duha ka ordinansa aron mahatagan og hinabang ang mga PUJ drivers dinhi sa dakbayan nga maapektuhan sa ipahigayong High Priority Bus System.
Gikanayon ni Abude nga dunay madawat nga socio-development package ug skills training assistance alang sa mga draybrer sa PUJ og traysikel kon ugaling madayon ang modernization project.
Sugod 2014, gi-screening na ang mga pangalan sa mga rehistradong drayber ug dungang gipahigayon ang pagpasabot sa implementasyon sa maong programa nga gilaumang magsugod sa ulahing bahin sa 2024.
Sa pikas bahin, gikanayon ni LTFRB Public Transport Modernization Program focal, Engr. Ronnel Panigon nga duna nay namugna nga 30 ka mga kooperatiba sa tibuok rehiyon, diin 96% ang namugna isip van transport coops, ug 86.57% pa lamang sa mga grupo ang kooperatiba nga gilangkuban sa mga PUJ drivers.
Kahinumduman nga unang gihangyo ni LTFRB 11 Regional Director Nonito Llanos ngadto sa mga drayber nga magmugna og usa ka kooperatiba diin silang tanan ang mamahimong part-owners sa mga unit nga mulatas sa usa ka ruta.
Gisiguro sab sa LTFRB ang mga drayber nga duna silay madawat nga mga hinabang gikan sa gobyerno sa panahon nga ipatuman sa tibuok nasud ang Public Utility Vehicle Modernization Program.
via || Bombo LJF
