Gitangtang na isip head coach sa Dallas Mavericks si Jason Kidd.
Sulod sa lima ka tuig nga pagpangalagad ni Kidd sa Mavericks, napangunahan niini ang team aron makadaog sa Western Conference championship niadtong 2023-24 season.
Apan, narehistro usab niini ang tulo ka “losing seasons” sa Mavs, lakip na ang bag-ong natapos nga season diin nakarekord ang team og 25-56 nga standing.
Sa opisyal nga pahayag nga gipagawas sa team karong Mayo 20, gipadayag sa Dallas ang ilang pagpasalamat sa kontribusyon ni Kidd isip kaniadto player sa team ug sa ulahi isip coach.
Gikanayon sa Dallas nga dako ug dili matupngan ang iyang natabang sa tibuok franchise, ilabina sa iyang pagdala sa team ngadto sa Finals niadtong 2024.
Una nang mipirma si Kidd sa iyang contract extension niadtong Oktubre 2025 ug aduna pa unta’y upat ka tuig nga pagpabilin sa team uban ang kapin $40 million nga kontrata.
Bisan paman niini, gikanayon sa Mavericks nga nagkasinabot na ang team management ug kampo ni Kidd nga tapuson na ang ilahang panag-uban.
