Nanawagan ang grupo nga nagsuporta sa mga biktima sa extra-judicial killings (EJKs) kang Senador Ronald Dela Rosa nga mo-surrender na.
Kasamtangang nag-atubang ang senador og warrant of arrest gikan sa International Criminal Court (ICC), human siya gitudlo nga co-perpetrator ni dating Presidente Rodrigo Duterte sa kaso nga crimes against humanity.
Sumala sa grupo nga Project Paghilom, ang pagbiya ni Dela Rosa gikan sa kustodiya sa Senado tung nilabay na Huwebes klaro nga paningkamot nga malikayan ang iyang responsibilidad sa balaod.
Gipasabot ni Project Paghilom coordinator Randy Delos Santos nga angay nga atubangon ni Dela Rosa ang kaso batok kaniya.
Sa una, matud pa kaniya, isog ug determinado ang senador nga moatubang sa kaso, apan karon murag na usab ang iyang baruganan.
Kahinumduman nga kaniadto giingon ni Acting Senate Sergeant-at-Arms Mao Aplasca nga naghangyo si Dela Rosa nga ibutang siya sa kustodiya sa Philippine National Police (PNP), nga gisupak sa kampo sa mga biktima sa drug war.
