Gipadayag ni Pang.Ferdinand Marcos Jr. nga ang iyang umaabot nga state visit sa Japan magpokus sa pagpalawom sa security cooperation ug sa pagpasabot sa nag-usab nga defense posture sa Tokyo samtang nangita ang Pilipinas og mas lig-on nga alyansa taliwala sa nagkataas nga tensyon sa Indo-Pacific ug mga economic disruptions nga resulta sa gubat sa Middle East.
Atol sa roundtable discussion uban sa Japanese media sa Malacañang Palace niadtong Lunes, gibutayag ni Pang. Marcos nga iyang hisgutan kung unsaon sa Manila ug Tokyo pagpatuman sa Reciprocal Access Agreement ug sa Acquisition and Cross-Servicing Agreement.
Ang Pangulo sa Pilipinas, nga mobisita sa Japan gikan Mayo 26 hangtod 29, magpasabot usab kung palapdan ba sa Tokyo ang tabang niini alang sa modernization program sa Armed Forces of the Philippines.
Nahitabo ang maong pagbisita taliwala sa padayon nga agresyon sa China sa West Phil. Sea ug human sa natapos nga bag-o lamang nga Balikatan military drills uban sa Japan, United States, Australia, France, Canada, ug New Zealand.
Taliwala sa krisis sa Middle East nga naghulga sa energy security sa Pilipinas, gibutyag ni Marcos nga magpadayon ang Manila sa pakiglambigit sa Japan nga mitanyag og hangtod $10 bilyon nga energy assistance.
Matod niya, aktibo ang papel sa Japan sa energy supply.
Nasayran nga ang Pilipinas anaa sa usa ka tuig nga state of national energy emergency human miulbo ang gubat sa Iran, ug nangita karon ang gobyerno og non-traditional oil partners aron masuportahan ang import-dependent economy sa nasod.
Gusto usab ni Marcos ang kooperasyon sa Japan ug uban pang Asian nations aron mapalig-on ang supply chains ug masiguro ang luwas ug stable nga supply sa petroleum products.
Gibutyag niini nga nangita karon ang mga nasod sa Asya og alternatibo ug non-traditional oil sources human sa epekto sa pagsirado sa Strait of Hormuz.
Matod pa niya, kinahanglan nga institusyonalisahon sa mga nasod sa Asya ang mga inisyatiba nga nasugdan tungod sa gubat sa Iran.
Gikanayon usab niya nga ang Indonesia mitanyag nga mahimong host sa oil reserve plans sa Association of Southeast Asian Nations.
Mahitungod sa Myanmar, gibutyag sa Pangulo nga ang ASEAN maoy mopasiugda sa mga pakigpulong aron masulbad ang sitwasyon didto.
Sa maong roundtable discussion, gikanayon usab ni Marcos nga nagkaklaro na sa mga nasod sa Indo-Pacific nga gikinahanglan ang mas lig-on nga partnerships ug alliances.
Matod pa niya, magkita sa dili madugay ang mga ministro sa Pilipinas ug China aron hisgutan ang Taiwan ug uban pang mga isyu, diin giangkon sa Beijing nga kabahin sa ilang teritoryo ang Taiwan.
Samtang, gibutyag sa mga analysts nga ang posibleng pagbaligya sa Japan og surface-to-ship missiles ngadto sa Pilipinas makatabang dili lamang sa pagpalig-on sa deterrence capability sa nasod kondili usab sa dugang modernization sa militar taliwala sa nagkataas nga tensyon sa Indo-Pacific region.
Matod ni Chester B. Cabalza, ang planong missile deal nagpakita sa paningkamot sa Manila sa pagpalig-on sa defense posture niini samtang gipanalipdan ang soberanya sa nasod sa West Philipine Sea.
