Patay na nga nakaplagan ang duha ka mga batang lalaki sulod sa usa ka sakyanan sa Tuyan, Naga City Cebu, Miyerkules sa hapon.
Sumala sa Naga City Police Station, ang duha ka mga bata nga maghigala nga anaa sa pito ka tuig ang pangidaron.
Subay sa imbistigasyon sa kapulisan, unang gi-report nga missing niadtong hapon sa Lunes human sila miingon nga mangduwa lamang sa maong lugar.
Human gi-review ang CCTV sa mga duol nga lugar, nakita ang duha nga misulod sa garahe sa usa ka pamilya.
Gilayon nga giadtoan sa mga operatiba ug didto nila nasimhotan ang baho nga gikan sa usa ka sakyanan nga sedan.
Didto na nadiskobrehan nga patay na ang duha ka mga bata.
Sumala pa sa kapulisan, posible nga na-trap ang duha ug wala na nakaginhawa sulod sa sakyanan.
Nagpadayon pa ang imbestigasyon sa insidente karong panahuna.
