Gitanyag sa ADB nga 1.75 billion dollar financing assistance, kinahanglan pa nga moagi og proseso

Kinahanglan pang moagi sa hustong proseso sa pagrepaso ang gitanyag sa Asian Development Bank nga 1.75 billion dollar financing assistance alang sa gobyerno sa Pilipinas.

Matod ni Usec. Claire Castro, ang Department of Finance maoy maghimo sa pagtuon kalabot sa gitanyag sa ADB.

Partikular nga susihon sa DOF ang terms and conditions sa financing offer aron masiguro nga nahiuyon kini sa fiscal ug debt management objectives sa gobyerno.

Taliwala niini, gipadayag usab ni Castro nga dako nga tabang ang maong gitanyag nga nagtinguha sa pagpakunhod sa economic impact sa Middle East conflict sa nasod.

Klaro usab sumala pa kini nga pagpakita sa pagsalig sa mga development partners sa kapasidad sa gobyerno sa pagtubag sa mga pangkalibutanong hagit.