DAVAO CITY -Laraw karon sa City Health Office (CHO) nga magpahimutang og mga personahe sa mga entry points sa dakbayan aron masiguro nga mabakunahan ang mga bata atol sa ikaduhang hugna sa Sabayang patak kontra polio karong Nobyembre 27 hangtud Disyembre 7 ning kasamtangan nga tuig.
Kahinumduman nga nakigkita ang CHO sa mga pribadong sektor ingon man sa mga personahe sa lokal nga panggamhanan aron nga mamahimo nilang kaabag sa ipahigayon nga round 2 sa pagbakuna ug maangkon ang ilang 110 percent nga target.
Sumala pa kang CHO head Josephine Villafuerte, nga kaabag pa gihapon nila kadtong mga grupo nga mitabang sa unang round sa bakuna batok polio ug nagdugang na lamang sila karon nga mga personahe aron nga mas mapadali nila ang ilang trabaho.
