Naghinobra ang kalipay sa tibuok Canada human makuha sa ilang national team ang pinaka-unang kadaugan sa FIFA World Cup batok sa Qatar, 6-0, sa BC Place, Vancouver. Ang makasaysayang kalampusan ang naghatud sa nasudnong selebrasyon gikan sa mga syudad hangtud na sa iladong mga landmark sama sa Niagara Falls.
Atol sa panagsangka, gipangunahan ni Jonathan David ang team pinagi sa hat-trick, samtang midugang usab og mga goal sila Cyle Larin ug Nathan Saliba, kauban ang usaka own goal gikan sa Qatar. Duha ka red card ang gihatag sa Qatar nga nagdula nga kulang og player, hinungdan aron mas labaw pa nga mag-una ang Canada. Dungan sa kadaugan, libuan ka mga fans ang nagtapok sa Nigeria falls alang sa viewing event.
Ang kadaugan ang giila nga makasaysayanon gumikan kay kini ang labing una nga higayon nga nakahimo sa pagtala ug kalampusan ang Canada sa world cup human ang ilang debut niadtong 1986 ug subling pagsalmot niadtong 2022 nga susamang napildi. Gawas sa paghatag og national pride, gilauman nga magdala kini og mas lapad pa nga interes sa football sa nasud nga sukad pa kaniadto nakatutok sa ice hocky ug baseball.
Ang Canada ang nakatala og kasaysayan sa ilang unang kadaugan sa FIFA World cup, nga naghatag og bag-ong kalagsik sa football ug mihatag og paglaom nga makasulod sa knockout stage sa unang higayon.
