DAVAO CITY – Hugtanon karon nga gipatuman sa Bureau of Jail Management and Penology (BJMP) 11 ang mga sumbanan aron masiguro nga walay peneriso nga matakbuyan og corona virus disease.
Kahinumduman nga usa sa mga lakang nga gihimo karon sa buhatan mao ang pagsuspende una sa mga dalaw sa peneriso aron masiguro sab ang panglawas sa mga nahisgutan.
Una ng gibutyag ni Jail inspector Edo Lobenia, tigpamaba sa BJMP-11, nga kaniadtong bulan pa lamang sa Marso hugot na nila nga gipatuman ang total lockdown sa pasilidad kini aron masiguro nga walay makasulod nga infected sa covid-19.
Hinuon padayon sumala pa sila nga nakiglambigit sa hingtungdan nga ahensiya sa kagamhanan ilabi na sa Department of Health (DOH) diin adunay mga doktor ug nurse ang mobisita sa BJMP aron nga subayon ang kahimtang sa mga nahisgutan.
Gitataw sab ni Lobenia nga dili sab mabalaka ang mga peneriso gumikan kay magpadayon ang ilang E-dalaw diin mamahimong makahinabi sa mga peneriso ang ilang mga pamilya sulod sa 15 ngadto na 20 minutos.
