-- ADVERTISEMENT --
Natapos na ang kampanya sa Pinay tennis star nga si Alex Eala sa nagpadayong Singapore Open human kini mapilde batok sa Russian player nga si Tatiana Prozorova.
Nigawas nga puno sa aksyon ang maong dula nga niabot sa tulo ka set, diin unang nakuha sa Russian tennis player ang unang set sa puntos nga 6-4.
Nakalusot ug nakabawi pa si Eala sa ikaduhang set sa puntos nga 7-5, apan pag-abot sa ikatulo ug katapusang set, gidomina na ni Prozorova ang dula sa score nga 6-3.
Nakatakda nga makasangka ni Prozorova sa quarterfinals si Wang Xinyu gikan sa China.
Samtang, ang sunod nga atubangon nga dula ni Eala mao ang Asian Games diin iyang irepresentar pag-usab ang bandera sa Pilipinas.
-- ADVERTISEMENT --
