Gipahibalo ni Finance Secretary Frederick Go nga iyang gipirmahan ang resolusyon alang sa pagtangtang sa buwis sa Liquefied Petroleum Gas o LPG ug kerosene. Ang maong pahibalo, gihimo atol sa budget hearing sa Senado alang sa Department of Finance kagahapong adlawa Septyembre 22, 2026.
Nanawagan usab ni Senator Bong Go nga suspindihon ang fuel excise tax tungod sa nagpadayong gubat sa Middle East ug epekto niini sa presyo sa lana.
Apan, gipatin-aw sa Department of Finance nga dili anagay tangtangon ang excise tax sa diesel ug gasolina tungod kay mahimong mokabat sa 12 bilyong pesos matag bulan ang mawala nga income sa gobyerno.
Dugang pa ni Secretary Go, mas makabenepisyo ang mga adunahan kung tangtangon ang buwis sa gasolina ug diesel tungod sa ilang mas dakong paggamit niini.
Sa kasamtangan, nagplano ang gobyerno nga maghatag og subsidiya ngadto sa mga vulnerable sector aron matabangan sila sa epekto sa padayong pagsaka sa presyo sa lana sa Pilipinas.
