Misaka na sa 77 ang ihap sa mga nakabsan sa kinabuhi sa pagkasunog sa M/V June Aster sa Coron, Palawan human namatay ang usa pa ka crew member nga dugay nang nagpabilin sa ospital.
Sumala sa Philippine Coast Guard, wala na nakalahutay ang maong crew member sa mga samad nga iyang naangkon tungod sa sunog sa ferry.
Samtang, mikabat na sa 44 ang ihap sa mga survivors human nakit-an na usab ang kapitan sa M/V June Aster, nga naluwas sa maong insidente.
Gipahibalo usab sa PCG nga walo na lamang ka mga tawo ang gikatahong missing base sa ilang pinakabag-ong beripikasyon sa passenger manifest ug ubang rekord.
Sa unang datos sa Coast Guard, 12 ka tawo ang gi-report nga wala pa makit-i human sa insidente. Apan human sa ilang pag-verify, nasuta nga upat sa maong 12 ang wala diay nakasakay sa barko.
Tungod niini, walo na lamang ang padayong gipangita sa mga otoridad samtang nagpadayon ang mga operasyon may kalabotan sa insidente.
Nahitabo ang pagkasunog sa M/V June Aster kaniadtong Setyembre 9, 2026 nga misangpot sa daghang casualties ug survivors.
